Борбордук шайлоо комиссиясы 23-апрелде өткөн жыйынында Кыргызстан Элдик-Демократиялык партиясын ( КЭДП/НДПК) Бишкек шаардык кеңешине шайлоодогу жыйынтыкты жокко чыгаруу чечимин кабыл алды.
Мындай жыйынтык үчүн БШКнын тогуз мүчөсү “макул” деп добуш берсе, эки мүчөсү — Кайрат Осмоналиев менен Акылбек Сариев каршы болду. Алар Бишкек аймактык шайлоо комиссиясынын бул чечимин негизсиз жана шашылыш чыккан чечим катары баалашты.
БШКнын чечимине Кыргызстан Элдик-Демократиялык партиясынын мүчөлөрү дагы каршы, алар сотко кайрыла турганын айтышты.
КЭДП Бишкек шаардык кеңешине шайлоодо жети пайыздык чектен өткөн алты партиянын ичинен марага үчүнчү болуп келген. КЭДПны генерал-майор Артур Медетбеков негиздегени белгилүү.
БШКнын отурумунан толук видеону бул жактан көрсөңүз болот.
