«Центерра» компаниясы чиновниктерге миллиондогон доллар бергени айтылууда. Мындай маалыматты «Eurasia today» сайты жазып чыкты.
«Кумтөрдөгү» мыйзам бузууларды текшерүү учурунда ачыкталган айрым маалыматтарга караганда, ар бир президент жана премьер-министрдин мезгилинде “Центерра” президентке 150 миллион доллар, премьер-министрге 50 миллион жана депутаттарга 100 миң доллардан берип турган. Аларга карата негизги айып – 2010-2015-жылдагы чакырылыштагы депутаттардын «Кумтөрдү» улутташтырууга каршы чыгышып, канадалыктарга адвокат болгонунда», — деп жазылат сайттын маалыматында.
Аталган сайт жарыялаган маалыматта пара алган делген чиновниктердин катарында Өмүрбек Бабанов менен Темир Сариевдин ысымдары да бар.