«Тажик тарап кыргыздар жашаган 5-6 үйдү айыл болбосун деп күйгүзүп салууда». Бул тууралуу бүгүн, 8-июнда депутат Султанбай Айжигитов Жогорку Кеңештин жыйынында билдирди.
«2-3 күн болуп калды, Тажикстан максаттуу түрдө провокация кылып, биздин позицияларды миномёттон аткылады. Анысы аз келгенсип, оор техникасын тарттырып келип, бизди ошонусу менен коркутканга аракет кылып жатат. Ал жерде Кык деген жайлоо жана Булак-Башы деген кичинекей айыл бар, болгону 5-6 үйдөн турат. Ошол 5-6 үйдө айыл болбосун, эл көчүп келбесин деп, алар 5-6 жылда күйгүзүп салып жатышат. Бул ачык эле тажик тараптын Кык жайлоосуна көз салып жатканынын белгиси. Тышкы иштер министрлигине же УКМКга тапшырма берип, тыкыр иликтөө керек. Эл аралык тажрыйбага ылайык, анклавдарда оор техника такыр болбойт. Болсо, чыгаруу кажет жана ал эсепте болуусу зарыл», — деди депутат.
