Баңгизат сатуучулар балдар үйүнүн тарбиялануучуларын алдоо жолу менен баңгизатын жеткиртишет. Бул тууралуу депутат Чыңгыз Макешов парламент жыйынында билдирди.
«Байэль Абдыраев 18 жаштагы жетим бала. Ал «баңгизат ташыды» деп азыр СИЗО-1де отурат. Көрсө, жетим балдар тарбияланган үйлөргө баңгизат саткандар барып, аларга өтүк, кийим сатып берип, «мага жардам берчи, муну жеткирип берчи» деп аларды пайдаланып жатышат. Бул төртүнчү учур. Булар 9-10 жылга камалып кетип жатат. Ушуну карап койгулачы», — деди ал.