Бүгүн, 3-апрелде Агрардык саясат, суу ресурстары, экология жана аймактык өнүгүү боюнча комитетинин жыйынында Жогорку Кеңештин депутаты Акбөкөн Таштанбеков айыл чарба министринин орун басары Мурат Раматовду сынга алды.
Депутат Кыргызстанда күнөскана үчүн кандай топурак алып келинерин сурады. Ал топуракта пестициддер бар деп эсептейт. Раматов ар кандай топурактар бар деп жооп берди. Министрдин орун басарынын ордуна бир чиновник жооп берди. Өз кезегинде Таштанбеков чиновникке эки деген баа койду.
Кийинчерээк депутат аткаминерге баа үчүн күндөлүктү тапшырды. «Президент бул күндөлүккө эң жакшы деген бааны коюп турсун», — деди ал.
