Шаардын социалдык объектилерине болгон жүрүшүнүн алкагында Токтогул Сатылганов атындагы Ош облустук китепканасында болуп, ал мекеменин инфраструктурасы, материалдык-техникалык базасындагы жабдуулар, китептердин, компьютерлердин жетиштүү деңгээлде камсыздалышы менен таанышкан. Иш сапарда Байсалов жаштарды китепканага тартуу үчүн тийиштүү шарттарды түзүп берүү аракетин кылуу керектигин баса белгиледи. Иш-чаранын алкагында ал китепканага кирүү үчүн жаштардан акча каражат алууга жол берилбеш керек экенин баса белгиледи. «Мындан ары китепкана кызматтары акысыз болушу керек. Китепкана — билимдин булагы. Бул жерде биз жаштарга, жалпы эле жарандарга керектүү шарттарды түзүшүбүз керек. Китепкана көрсөтүп жаткан кызматтар үчүн акы республиканын бир дагы китепканаларында алынбашы керек», — деди ал.
Ошондой эле Ош шаарындагы №1 үй-бүлөлүк медицина борборуна барып, бейтаптарды кабыл алууну санариптештирүү, коронавируска каршы эмдөө, материалдык-техникалык базалар менен таанышкан.