Экс-депутат Орозайым Нарматова социалдык тармактагы баракчасы аркылуу түз эфирге чыгып, ал “Саясатка кайтабы? Коркутуулар болуп жатабы? Кылмыш иш эмне болуп жатат?” дегендерге жооп берди.
Экс-депутаттын айтымында, анын кылмыш иши Кемпир-Абад ишинен өзүнчө өндүрүшкө алынган жана бул анын ден соолугуна байланыштуу. “Жүрөгүмдүн оорусу себеп болду” деген ал бийлик тарабынан кысым болбогонун айтты.
“Бизди макта, бирөөнү жаманда деген талап болгон жок. Мен эч ким менен соодалашып, эч кимди сатып же бирөөгө залал келтирип кеткен жокмун”, — деген ал президент Садыр Жапаров, УКМКнын төрагасы Камчыбек Ташиев жана камактагы депутат Адахан Мадумаров боюнча оюн айтты.
