Телеграмдагы Садыр Жапаров деген телеграм-каналдын президент Садыр Жапаровго тиешеси жок. Бул тууралуу президенттин басма сөз катчысы Галина Байтерек СЕРЕП МЕДИА маалымат агенттигине билдирди. Анын айтымында, ал телеграм-каналды президент мурда кызматка келе электе колдончу.
«Негизинен эле Садыр Жапаровдун күйөрмандары тарабынан ачылган көп каналдар бар. Ал эми маалыматтар тараган телеграм-каналды президент буга чейин колдончу. Кызматка келгенден кийин бул канал бир жигитте калган. Учурда ал жигит чектен ашкан маалыматтарды таратып жатат. Бул боюнча бүгүн президент менен сүйлөшөбүз», — деди ал.
Дал ошол телеграм-каналга кечээ «Кыргызстандын бузукулары кимдер?», «Жашоо шарты жакшы үй-бүлөлөр үчүн электр энергиясы кымбаттады», «Эл бузарларга алданбаңыздар» деген маалыматтар жарыяланган болчу.
