Инаугурация шайлоонун расмий жыйынтыгы жарыялангандан кийин бир айдын ичинде өтүшү керек. Бул тууралуу Борбордук шайлоо комиссиясынын төрайымы Нуржан Шайлдабекова билдирди.
Анын айтымында, добуштар кол менен эсептелгенден кийин жана соттук талаш-тартыштар болуп калса, чечилгенден кийин жыйынтык чыгарылат.
Кечээ, 10-январда Кыргыз өлкөсүнүн президентин тандоо үчүн шайлоо орун алды. Алдын-ала жыйынтык боюнча 17 талапкердин ичинен Садыр Жапаров 79,14 пайыз менен алдыда келе жатат.