Бүгүн, 3-мартта, Жогорку Кеңеште «Республика — Ата Журт» партиясынан жаңы депутат Акыл Кемелов ант берди. Ал буга чейин мандатын тапшырып кеткен партиялашы Максат Сабировдун ордуна келди.
Жаңы эл өкүлү Акыл Кемелов кулатуу боюнча Кыргызстандын 3 жолку чемпиону жана спорттун чебери. 2016-жылы «Кулатуу эртаймаш WEF» федерациясынын Ысык-Көл облусу боюнча президенти болгон. Өзүн коомдук ишмер жана меценат деп атап жүрөт. Ал 37 жашта.
Бүгүн парламентте “Кыргыз Республикасынын Конституциясы жөнүндө” Мыйзам долбоору боюнча референдумду дайындоо тууралуу” Мыйзамдын долбоору биринчи окууда каралары күтүлүүдө.
