Бүгүн, 24-февралда Жогорку Сот Өмүрбек Текебаевга БШК тарабынан берилген мандаты үчүн БШКга каршы доо арыз менен кайрылган Темирлан Ормуковдун арызын карады. Бул тууралуу Жогорку Соттун басма сөз кызматынан билдиришти.
Эске салсак, Өмүрбек Текебаев Бишкек шаардык сотунун 2017-жылдагы чечиминин негизинде депутаттык мандатынан ажыратылган.
2020-жылы октябрда Текебаев Жогорку Соттун 2019-жылдын 21-августундагы анын кылмыш ишиндеги алгачкы эки инстанциянын өкүмдөрү жокко чыгарылган чечими менен БШКнын ага байланыштуу мурунку чечимдерин жокко чыгарып, анын мандатын кайтарып берүүнү суранган. Натыйжада, мандат кайтарылып берилген.
Андан кийин Темирлан Ормуков БШКны сотко берген. Доогердин айтымында, шайлоо комиссиясы анын айыпталуучу деген статусуна байланыштуу Текебаевге мандатын кайтарып берүүгө укугу жок болчу.
23-ноябрда Административдик сот БШКнын 2020-жылдын 15-октябрындагы токтомун жокко чыгарган. Акыры БШК соттун чечимине каршы чыккан.
Бирок Өмүрбек Текебаев өзү кошо айыпталуучу катары чакырылып, ал отурумга келбей калгандыгына байланыштуу, сот 3-мартка чейин тыныгуу жарыялады.
Текебаевдин сотко келбей жатканы бул кагаздагы даректин так эмес көрсөтүлгөнүнө байланыштуу болгон. Тактап айтканда, Текебаевге соттон чакыруу кагазы жөнөтүлгөн, бирок ал кат жашаган үйүнө эмес, офисине барган.
Темирлан Ормуковдун айтымында, Текебаев сотко келбөөнүн айласын кылып, муну атайын жасаган.
“Чакыруу кагазы келген эмес деп айтат. Аныкы туура болот”,- деди Ормуков.
Сот БШКнын өкүлүн чакыруу кагазын анын так дарегине жөнөтүү үчүн Текебаевдин үйүнүн дарегин табууга милдеттендирди.