Кара-Көлдө шайлоого катышкан 7 партия тең босого чектен өттү

Боршайком Кара-Көл шаардык кеңештин депутаттарын шайлоонун расмий жыйынтыгын жарыялады.

Маалыматка караганда, шаардык кеңештин депутаттарын шайлоодо 7 партия катталса, жетөө тең 7%дык босого чектен өттү. Партиялар төмөнкүдөй добуш алышты:

1. «Замандаш» — 21,26% (7 мандат);
2. «Ата-Журт Кыргызстан» — 15,88% (5 мандат);
3. «Энергетиктер» — 14,96% (5 мандат);
4. «Бирге-Вместе» — 13,11% (4 мандат);
5. «Ыйман Нуру» — 12,61% (4мандат);
6. «Мекен Ынтымагы» — 10%; (3 мандат);
7. «Ынтымак» — 9,02% (3 мандат).

Ошондой эле Кара-Көл аймактык шайлоо комиссиясынын чечими менен Кара-Көл шаарынын мэри, депутаттыкка талапкер И. Еркеевге башка талапкер тууралуу жалган маалымат таратканы үчүн 12 миң 500 сом айып салынды.

Маалымат үчүн айта кетсек, Кара-Көл шаарында 15 669 шайлоочу болсо, алардын 40,83% (6 397 жаран) шайлоого катышкан.