Баш мыйзамдын жаңы долбооруна ылайык, Жогорку Кеңешке 90 мандат берүү сунушталууда. Бул тууралуу Конституциялык кеңешменин жыйынында айтылды.
«Жогорку Кеңештеги депутаттардын саны 90 киши болду. Шайлоо системасы кандай болот — аны көрсөткөн жокпуз. Аны Жогорку Кеңештин эркине бердик», — деди кеңешменин төрагасы Бекбосун Бөрүбашев.
Бишкекте Баш мыйзамды өзгөртүү боюнча иштеп жаткан Конституциялык кеңешме кезектеги жыйынын өткөрдү. Конституциялык кеңешме Баш мыйзамдын долбоорунун биринчи варианты иштелип чыкканын былтыр 11-декабрда кабарлаган. Кеңешме долбоордун акыркы варианты иштелип чыккан соң аны Жогорку Кеңешке жиберүүгө тийиш. Андан кийин парламент аны референдумга алып чыгуу боюнча демилге көтөрүшү мүмкүн.