Жолугушууда эки өлкөнүн ортосундагы көйгөйлүү маселелер жана аны чечүүнүн жолдору талкууланды. Бакыт Аманбаев АКШнын Бишкектеги элчилигинде кыргыз атуулдарынын Америкага виза алуу үчүн жазылуусунун узун кезеги түзүлгөндүгүн, виза алууга кезекке тургандардын саны барган сайын көбөйүп бара жаткандыгын белгилеп, Кыргыз жарандары үчүн визалык режимди жеңилдетүүгө көмөк көрсөтүүнү өтүндү. Ошондой эле, элчи АКШга окууга өткөн кыргызстандык студенттерге виза берүүнү жеңилдетип, алар үчүн өзүнчө кезек уюштурууну жана туристтик визаны беш жылдык эмес, он жылдык мөөнөткө жогорулатуу зарылдыгын баса белгиледи.
Брайн Стимлер АКШнын Кыргызстандагы элчилигинде түзүлгөн атуулдардын узун кезегинин түзүлүү себептерин иликтеп, жообун кошумча билдирүүнү убада кылды.
