20-майда Жогорку Кеңештин сайтына коомдук талкууга чыгарылган “Эмгек кодекске өзгөртүүлөрдү киргизүү жөнүндө” мыйзамынын долбоорунун тегерегинде жаралган жагдай боюнча Жогорку Кеңештин басма сөз кызматынан түшүндүрмө беришти.
Тиешелүү териштирүүнүн негизинде депутат Жусупбек Коргонбай уулунун консультанты катачылыкка жол бергендиги аныкталган. «Аталган депутат жогорудагы мыйзам долбоорунун демилгечиси эмес», — дешти.
Жогорку Кеңештин сайтында 20-майдан тартып “Эмгек кодекске өзгөртүүлөрдү киргизүү жөнүндө” мыйзам долбоору коомдук талкууга коюлган. Демилгечи — Жогорку Кеңештин депутаты Коргонбай уулу Жусупбек экени жазылган. Мыйзам долбоорунда демилгечи саясий жана административдик мамлекеттик кызмат орундарын ээлеген мамлекеттик кызматкерлерге 28 календардык күндөн ашык узартылган негизги өргүү берүүнү сунушталганы жазылган. Бирок эртеси күнү депутат мындай мыйзам сунуштабаганын айтып чыккан.
