Президенттин милдетин аткаруучу, спикер Талант Мамытов Орусиядагы иш сапарынын алкагында Евразиялык экономикалык комиссиясынын коллегиясынын төрагасы Михаил Мясникович менен жолугушту.
Мамытов кыргыз тарап биримдиктин тышкы соода-экономикалык алакаларын арттырууга, ЕАЭБ мамлекеттеринин ортосундагы соода тоскоолдуктарын алуу аркылуу байланыштарды чыңдоого кызыкдар экендигин кошумчалады. «Евразия биримдигинин ичиндеги соода байланыштарынын карама-каршылыктарын жойбой туруп, башка өлкөлөр менен кызматташтыкты калыптандыруу, товарларды сатуу жана кызмат көрсөтүү үчүн базарларды ачуусун камсыздоо мүмкүн эмес», — деди Мамытов.
