Тышкы иштер министри Жээнбек Кулубаев эл аралык иш сапарынын алкагында Кыргызстанга таанышуу сапары менен келген АКШнын борбордук командачылыгынын башчысы, генерал Майкл Курилланы кабыл алды. Бул тууралуу министрликтен маалымдашты.
Анда Ооганстандагы кырдаалдын алкагында чек араларды бекемдөө жана трансулуттук коркунучтарга каршы туруу маселелери боюнча пикир алмашуу болду. Министр Кулубаев аймактык коопсуздукту жакшыртуу боюнча региондук аракеттерди координациялоонун маанилүүлүгүн белгиледи. Гуманитардык кызматташтыктын мүмкүнчүлүктөрү өзүнчө каралды.
