Президент Садыр Жапаров «Кыргыз Республикасынын президентинин 5-майдагы «Министрлер кабинети жөнүндө» жарлыгына өзгөртүү киргизүү тууралуу» жарлыкка кол койду. Бул тууралуу президенттик аппараттан билдиришти.
«Башкаруу системасын оптималдаштыруу максатында, Конституциянын 70-беренесинин 1-бөлүгүн жетекчиликке алып, токтом кылынат. Төмөнкүдөй өзгөртүү киргизилсин:
3-пункттун он үчүнчү жана он төртүнчү абзацтары төмөнкүдөй редакцияда берилсин:
— Айыл, суу чарба жана аймактарды өнүктүрүү министрлиги;
— Инвестициялар министрлиги.
Жарлык расмий жарыяланган күндөн баштап күчүнө кирет», — деп айтылат маалыматта.
