Жогорку Кеңештин төрагасы Нурланбек Шакиев Аксы районундагы иш сапарынын алкагында Кара-Суу айыл аймагындагы № 56 К.Кулназаров орто мектебинин ачылыш аземине катышты. 150 орунга ылайыкташкан, эки кабаттуу заманбап мектептин курулушуна республикалык бюджеттин эсебинен 43 миллион сомдон ашуун каражат жумшалган.
«Мамлекет тарабынан мурда курулушу башталып, бирок токтоп турган имараттарды аягына чыгарууга өзгөчө көңүл бурулууда. Буга биз бүгүн ачылыш аземин өткөрүп жаткан К.Кулназаров атындагы мектеп анык мисал. Андан тышкары, жаңы мектептерди куруу иштери да кызуу жүргүзүлүүдө. Алсак, Аксы районунда дагы алты мектеп салынып, жакынкы аралыкта ишке берилери күтүлүүдө”, – деди Шакиев.
Андан соң төрага Авлетим айыл аймагында жайгашкан № 25 К.Алымкулов атындагы мектептин жаңы имаратынын ачылышына катышты. Аталган мектептин курулушу 2019-жылы республикалык бюджеттин эсебинен башталып, ага 66 миллион сом каралган. Эки кабаттуу окуу имараты 225 орунга ылайыкташкан.
Келечек жаштардан көз каранды. Азыр болуп корбогондой мектептер курулуп, мектептердин курулушуна, жаштардын билим алуусуна өзгөчө көңүл бурулууда. Төраганын иштерине ийгилик каалайбыз.
КР Жогорку Кеңешинин төрагасы Нурланбек Шакиев билим берүү маселесине көңүл бургандыгы абдан жакшы. Ишине ийгиликтерди каалайбыз!
Билим булагын куруу бул келечек үчүн чоң салым, өз кичи мекенинде куруу жакшы, жугуштуу болуп, мектептер мамлекетибиздин бардык аймактарында мамлекетибиздин чоң жетекчилеринин кичи мекениндей болгон мектептер курулсун, ал жерлерде эң мыкты мугалимдер окутуп, билимдүү-илимдүү жаштар окуп чыгып, мамлекетибиздин керегине жараган болушсун! Жакшы иш болуптур, мамлекетибиз билим берүүгө көңү бурганы аябай жакшы иш чара!
Кыргыз Республикасынын Жогорку Кеңешинин төрагасы Н.Шакиевдин иштерине ийгилик каалабыз!!! Мектептин курулушуна, келечек муундардын билим алуусуна өзгөчө көңүл бурулууда.