Өзгөн районунда Кыргызстандын 3 миңден ашуун ID-карталары жана жалпы жарандык паспорттору жоголду. Бул тууралуу санариптик өнүктүрүү министри Талантбек Иманов Facebook баракчасында билдирди.
Ал паспорт мафиясы боюнча өзүнүн дооматынын тергөөнүн аралык жыйынтыгы менен бөлүштү. Текшерүүнүн жыйынтыгы менен Өзгөн районунун аймагында 1667 ID-карта жана 2101 жарандык паспорт жоголгондугу аныкталган.
Санариптик өнүктүрүү министрлиги Улуттук коопсуздук боюнча мамлекеттик комитети менен биргеликте 2020-2021-жылдарга жараксыз паспорттордун жок кылынууга тийиш болгон реестрине инвентаризация жүргүздү. Инвентаризациянын жыйынтыгы боюнча Талантбек Имановдун айтымында, башкармалык тарабынан төмөнкү чаралар көрүлдү:
— башкармалыктын аймактар аралык башкармалыгынын адиси ээлеген кызматынан бошотулду (УКМКнын кылмыш ишинин алкагында кармалган);
— Ош облусунун Араван районунун бөлүм башчысы кызматынан бошотулду. Учурда козголгон кылмыш ишинин алкагында ал үй камагында;
— бөлүмдүн кызматкерлерине тартиптик жазалар жарыяланды;
— бардык бөлүмдөрдүн жетекчилерине жүктөлгөн милдеттерди талаптагыдай аткаруу жана ага жүктөлгөн бөлүмгө көзөмөлдү күчөтүү жөнүндө эскертилди.