«Кыргыз Республикасынын жарандары, элчилик аймактагы кырдаалдын өнүгүшүн тыкыр көзөмөлдөп жатат. Учурда Пакистандын айрым аймактарында митингдер жана нааразылык акциялары өтүүдө. Афганистан менен чектешкен аймактарда куралдуу кагылышуулар уланууда. Ошондой эле террордук мүнөздөгү окуялардын тобокелдиги жогору бойдон калууда». Бул тууралуу Кыргыз Республикасынын Пакистандагы элчилигинен маалымдашты.
Ушуга байланыштуу элчиликти төмөнкүлөрдү өтүнөт:
Куралдуу аракеттер жүрүп жаткан аймактардан жана адамдар көп топтолгон жерлерден алыс болуу;
Коомдук жайларда жогорку этияттыкты сактоо;
Өздүгүн тастыктаган документтерди дайыма жаныңызда алып жүрүү;
Паспорттун, визанын жана башка уруксат берүүчү документтердин жарактуу мөөнөтүн текшерүү;
Иш берүүчүлөр жана окуу жайлары менен туруктуу байланышта болуу;
Жашаган дарек өзгөргөн учурда консулга актуалдуу байланыш маалыматтарын билдирүү.
Жарандарды консулдук бөлүм менен байланышта болууга жана зарыл болгон учурда өздөрүнүн актуалдуу маалыматтарын (аты-жөнү, жашаган шаары, байланыш телефону) жөнөтүүгө чакырабыз.
Өзгөчө кырдаал жаралган учурда Пакистандагы Кыргыз Республикасынын элчилигинин чукул телефондору аркылуу кайрылсаңыздар болот: +92 333 5556343 +92 333 5209903
Тышкы иштер министрлигинин Консулдук департаменти (күнү-түнү): +996 999 312 002
email: dks@mfa.gov.kg
Элчилик расмий маалымат булактарына гана таянып, такталбаган маалыматтарды таратпоону өтүнөт. Элчилик кырдаалды мындан ары да көзөмөлдөп, кошумча маалымат берип турат.
