Парламент төрагасы Нурланбек Тургунбек уулу айыл өкмөттөрдүн ротациясы натыйжа бербегенин айтып, андан баш тартууну сунуштады.
«Тилекке каршы, мыйзам натыйжа берген жок. Облус, шаар, район башчылары жана укук коргоо органдарынын жетекчилеринин ротациясы өзүн актаса да, айыл өкмөттөрүн ротациялоо натыйжа берген жок. Учурда ар бир райондо 2-3төн айыл өкмөт жок, эч ким башка жактан келип иштебейт экен. Барса да 2-3 айда кетип калышат. Ошондуктан мыйзамга тез арада өзгөртүү киргизүү зарыл. Биз колдоп берели, эл күтүп жатат», — деди спикер.
Ошондой эле ал маданият, билим берүү жана РЭСтердин башчыларын ротациялоону токтотуу зарылдыгын белгиледи. Төраганын айтымында, алардын маянасы 35 миң сом болсо, анын 20 миңине үй ижарасына төлөп ротациялоо майнапсыз.
