Саммиттин алкагында өлкөлөрдүн лидерлери уюмдун күн тартибиндеги актуалдуу маселелерди, анын ичинде регионалдык экономикалык кызматташтыктын ичинде өз ара пайдалуу иштерди жөнгө салуу жана социалдык-маданий жана илимий-техникалык өнүгүүнүн ар кандай аспектилери боюнча өз ара жардамдашуу жолу менен региондогу мамлекеттердин чарбалык мамилелердин дүйнөлүк системасына ырааттуу жана этап-этабы менен интеграцияланышын талкуулашат.
Саммиттин ишине уюмга мүчө – Азербайжан, Иран, Кыргызстан, Тажикстан, Түркмөнстан, Түркия, Өзбекстан мамлекет башчылары, ошондой эле Казакстандын, Пакистандын өкмөт башчылары катышат.
Кыргыз Республикасынын расмий делегациясынын курамындагылар:
— Биринчи айым Айгүл Жапарова;
— тышкы иштер министри Жээнбек Кулубаев;
— Президенттин администрациясынын тышкы саясат бөлүмүнүн башчысы Муратбек Азымбакиев;
— Кыргызстандын Өзбекстандагы элчиси Муса Жаманбаев;
— Кыргызстандын Ирандагы элчиси Турдакун Сыдыков;
— билим берүү жана илим министри Догдуркүл Кендирбаева;
— маданият, маалымат, спорт жана жаштар саясаты министри Алтынбек Максутов;
— транспорт жана коммуникациялар министри Тилек Текебаев;
— экономика жана коммерция министри Данияр Амангелдиев;
— Соода-өнөр жай палатасынын президенти Темир Сариев.