Жогорку Кеңештин мурдагы депутаты Равшан Жээнбеков УКМКга УКМКнын башчысы Камчыбек Ташиевдин өзүнүн үстүнөн арызданды. Бул тууралуу ал соцтармактагы баракчасына жазып чыкты.
Ал төрага саясат таануучу Марат Казакпаевдин өлүмү боюнча билдирүүсүнө байланыштуу ага басым жасоо аракети болуп жатат деп эсептейт.
Анын айтымында, ага Марат Казакпаевдин өлүмү боюнча жалган маалымат таратканы тууралуу эскертүү берилген. Саясатчы Ташиев жетектеген УКМК туура эмес кылган деп эсептейт. Ал кошумчалагандай, Ташиев өзүнүн кызматтык абалынан, УКМКны күч органы катары пайдаланып, ага басым жасап, дагы бир жасалма кылмыш ишин козгоого аракет кылып жатат.