«Быйылкы сезондо тапкан каражатыңарга дароо саркынды суу тазалоочу жайларды салгыла!». Бул тууралуу президент Садыр Жапаров кол койгон жарлыгына байланыштуу соцтармактагы баракчасына билдирүү жарыялады.
«Алдын ала эскертип коёюн, 2023-жылдын 1-январынан тартып Ысык-Көлдүн айлана-тегерегиндеги пансионаттардын, эс алуучу жайлардын саркынды сууларды тазалоочу жайлары жок болсо, алардын иштөөсүнө тыюу салынат. Ошондуктан быйылкы сезондо тапкан каражатыңарга дароо саркынды суу тазалоочу жайларды салгыла! Бир топ пансионаттардын ээлери уюшуп, бир эле саркынды суу тазалоочу жай салып, анан туташтырып кошуп алсаңар туура болот деп ойлойм. Бул боюнча Мамкурулушка тапшырма бердим, уюштуруп берет», — деп жазылат президенттин билдирүүсүндө.
