Садыр Жапаров бүгүн, 7-майда расмий сапар менен Москва шаарына барды. Мамлекет башчысынын учагы “Внуково 2” эл аралык аэропортуна конду.
Президентти Орусиянын тышкы иштер министринин орун басары Михаил Галузин тосуп алды. Аэропортто эки өлкөнүн мамлекеттик желектери флагштокторго илинип, килем төшөлүп, ардактуу кароол тизилди. Кыргызстан жана Россиянын мамлекеттик гимндери жаңырды.
