Президент Садыр Жапаров бүгүн, 31-декабрда совет бийлиги тушунда репрессияга туш болгон, диний, саясий ишенимдери үчүн камалган же куугунтукталгандарды актаган мыйзамга кол койду. Бул тууралуу президенттин администрациясынан билдиришти.
Мыйзамга ылайык, саясий репрессиянын белгилери болуп 1917-жылдан тартып 1953-жылга чейинки мезгилде кабыл алынган чечимдери саналат. Андан сырткары, аталган мыйзам саясий жүйөөлөр боюнча куугунтукка алынган, 1961-жылга чейин колдонулган РСФСРдин Кылмыш-жаза кодексинин негизинде соттолгон адамдарды актоо каралган. Ушуну менен бирге мыйзамга ылайык Экинчи дүйнөлүк согушка катышкан адамдын мекенге жасаган чыккынчылыгы үчүн жоопко тартылгандар акталбай тургандыгын белгилөө зарыл.