Саламаттыкты сактоо тармагынын пандемия учурундагы ишин текшерүү үчүн өкмөт тарабынан атайын комиссия түзүлдү. Бул тууралуу вице-премьер-министр Эльвира Сурабалдиева Жогорку Кеңештин жыйынында билдирди.
Анын айтымында, комиссиянын курамына 30 адам кирген, алардын экөө депутат.
“Депутаттардан, коомчулуктан Саламаттыкты сактоо министрлигинин, Медициналык камсыздандыруу боюнча федералдык фонду жана дарылар менен камсыздандыруу департаментинин коронавирус илдетинин биринчи толкунундагы иши боюнча көп суроолор болду. Донордук каражат, гуманитардык жардамдар тууралуу сурап жатышат. Бул боюнча комиссия өз ишин баштады. Биз аларга 10 күн бердик. Алар күнү-түнү иштешет. Менимче, жыйынтыгы чыкканда көп жаңжал болот”, – деди Сурабалдиева.