Жогорку Кеңештин төрагасы Нурланбек Шакиев Орусиядагы расмий иш сапарынын алкагында Федералдык Жыйындын Мамлекеттик Думасынын төрагасы Вячеслав Володин менен жолугушту. Анда эки өлкө ортосундагы саясий-экономикалык, маданий-гуманитардык алакаларды арттыруу, парламенттер аралык байланыштарды кеңейтүү маселелери талкууланды.
Шакиев алгач расмий иш сапар менен келип кетүүгө чакыргандыгы үчүн Володинге ыраазычылык билдирип, алакаларды арттырууда мындай жолугушуулардын мааниси чоң экенин белгиледи. “Кыргызстан менен Орусиянын ортосундагы достукка жана өз ара ишенимге негизделген стратегиялык өнөктөштүк жылдан-жылга өнүгүп келет. Биз бардык тармактар боюнча калыптанган байланыштарды мындан ары да кеңейтүүгө кызыкдарбыз”, – деген Нурланбек Шакиев президент Садыр Жапаровдун май айынын башында Орусияга пландалган расмий сапарына карата олуттуу даярдыктар көрүлүп жатканын кошумчалады.
Экономикалык байланыштар тууралуу сөз кылган Нурланбек Шакиев эки өлкөнүн соода жүгүртүүсү өткөн жылы 3,2 миллиард долларга жеткенин белгилеп: “Бирок бизде мүмкүнчүлүктөр өтө көп. Андыктан бул жаатта да кызматташтыкты кеңейтүү учур талабы”, – деди. Анын ичинен түз аба каттамдарынын санын көбөйтүү, Кыргызстанда өндүрүлгөн сүт азыктарына киргизилген чектөөлөрдү жоюу жана чек арадагы тоскоолдуктарды азайтуу зарылчылыгына токтолуп, кыргызстандыктар үчүн миграциялык саясатты жөнөкөйлөштүрүү жаатындагы сунуштары менен да бөлүштү. Ошондой эле ар кандай себептерден улам Орусиянын абак жайларында камалып жаткан кыргызстандыктарды мекенине экстрадициялоого Мамлекеттик Думанын төрагасын көмөктөшүүгө чакырды.
Өз кезегинде Вячеслав Володин да байланыштар жылдан жылга кеңейип жатканын эске салып, Кыргызстанга жасалган тышкы инвестициялардын 36 пайызы орусиялык инвесторлорго таандык экенин мисал кылды. Айрыкча кыргызстандык эмгек мигранттары өз өлкөсүнө гана эмес, Орусиянын экономикасына да чоң салым кошуп жатканын айткан Мамлекеттик Думанын төрагасы түз аба каттамдарын көбөйтүү багытындагы сунушту колдой тургандыгын белгиледи. “Алакаларды арттырууда парламенттик кызматташтыктын да ролу чоң. Андыктан парламенттер аралык комиссиянын ишин активдештирип, жолугушууда көтөрүлгөн маселелерди биргелешип чечүүгө аракет кылышыбыз керек”, – деди Вячеслав Володин.
Президент Садыр Жапаров бүгүн, 31-августта Улуттук коопсуздук боюнча мамлекеттик комитеттин жетекчиси, Министрлер кабинетинин төрагасынын орун басары Камчыбек Ташиевге генерал-полковник аскердик...
Президент Садыр Жапаров бүгүнкү майрамга карата сөзүндө конструктивдүү колдоп келе жатканы үчүн спикер Нурлан Шакиевге жана парламентке ыраазычылыгын билдирди. "Ушул...
"Заманыбыздын чыныгы баатыры Камчыбек Ташиевге өзгөчө ыраазычылыгымды билдирем!". Бул тууралуу президент Садыр Жапаров жаңы Ак Үйдүн ачылыш аземинде сүйлөп жатып...
Жогорку Кеңештин төрагасы Нурланбек Шакиев баштаган депутаттар Кемин районунун Кичи-Кемин айыл аймагында курулган “Терек-Таш” клинкер өндүрүүчү заводдун жана башка өндүрүштүк-социалдык...
Бүгүн, 30-августта Чүй облусунун Кемин районундагы “Терек-Таш” клинкер заводунун ачылышында өлкө башчысы Садыр Жапаров сөз сүйлөдү. "Азыр биздин экономикалык абалыбыз...