Төрага Талант Мамытов баштаган Жогорку Кеңештин депутаттар тобу Баткен облусуна барышты. Бул тууралуу Жогорку Кеңештин сайтында жазылды.
«Депутаттар өкмөттүн өкүлдөрү менен кеңешме өткөрүштү. Андан соң чек ара чыр-чатагында жабыркаган жергиликтүү калк менен бир катар жолугушуулар өтөт. Белгилей кетсек, эл өкүлдөрү гуманитардык жардам да алып келишти. Парламенттин атынан жарандарга медициналык дары-дармектер, азык-түлүк жана эң зарыл башка товарлар берилет», — деп жазылат маалыматта.
Сүрөттө Дастан Жумабеков, Тазабек Икрамов, Махабат Мавлянова, Шайлообек Атазов жана башкаларды көрүүгө болот.
