«Жогорку Сотто 35 судья бар экен, алардын баары Lexus 570, Мерседес, Гелендваген үлгүсүндөгү кымбат баалуу унааларды айдап жүрүшөт. Ушинтип айтып жатсак, эки күн мурда бир сот үй-бүлөсүн алып, Дубайга эс алганы кетип калыптыр. Мен ошол судьяга териштирүү баштоону дайындадым. 4 адамдын Дубайга учуп барып-келүүсү, эс алуусун эле эсептесек, 10-15 миң доллар чыкты. Соттун бир кийген шубасы 5 миң доллар, өтүгү миң доллар турат. Минген машиналары 100 миң доллар, жашаган үйлөрү милллион доллар… Мындай акчаларды кайдан алып жатышат? Бул эмне деген акмакчылык», — деди УКМКнын төрагасы Камчыбек Ташиев. Ал бул тууралуу бүгүн журналисттерге берген маалымат жыйында билдирди.
Анын айтымында, УКМК ар бир соттун мүлкүн карап чыгат. «Декларацияда жазылган ВАЗ-2106 үлгүсүндөгү унаасын минет. 2 бөлмөлүү Хрущевка үйдө жашайм деп жазылганбы, анда ошондой үйдө жашайт», — деди Ташиев.