Жарандык коом бийликке душман эмес. “Кыргызстан юристтер бирикмеси” өткөргөн брифингде юрист Таттыбүбү Эргешбаева ушундай билдирүү таратты.
Ал 14-февраль күнү коомдук активисттер өткөрүгөн митингди Коомдук телераидоберүү корпорациясы (КТРК) чагылдырганын сынга алып, бийлик жарандык коом көтөрүп чыккан сынды туура кабыл алышы керек деп эскертти.
“Жарандык коом бийликке душман эмес. Эгер коомдук активисттер бийликтин кемчилигин айтып сынга алса, бул мамлекетти өнүктүрүш үчүн болгон аракет. Кечээ активисттердин тынчтык маршын КТРК чагылдырганын баарыбыз көрдүк. Бийлик сынды туура кабыл алышы керек”,- деди Эргешбаева.
