УКМКнын жаңы башчысы менен ички иштер министрине жогорку аскердик жана атайын наамдар ыйгарылды

Президент Садыр Жапаров кол койгон жарлыктарга ылайык, Кыргыз Республикасынын Конституциясынын 70-беренесинин 10-бөлүгүнүн 2-пунктуна ылайык Ниязбеков Улан Омокановичке «милициянын генерал-полковниги» жогорку атайын наамы, Шабданбеков Жумгалбек Кумаровичке «генерал-лейтенант» жогорку аскердик наамы, ошондой эле Намазов Акылбек Закировичке, Шадыбеков Уранбек Амановичке, Отонбаев Тариэль Зарылбековичке, Шаршеев Талайбек Имашовичке, Талипов Талантбек Медербековичке, Эрбаев Алишер Ташбаевичке «генерал-майор» жогорку аскердик наамы жана Бектурганов Малик Маамыталиевичке «юстициянын генерал-майору» атайын наамы ыйгарылды.