Кыргызстандык спортчу Айпери Медет кызы Казакстанда өтүп жаткан күрөш боюнча Азия чемпиондугунда күмүш медаль жеңди.
Ал 76 килограммга чейинки салмак ченинде күч сынашып, 1/4 финалдан баштаган. Алгач Медет кызы кореялык кызды 43 секундда жеңип, жарым финалда Япониянын өкүлүнөн күчтүү болду. Финалда кыргызстандык спортчу казакстандык Эльмира Сыздыкова менен күч сынашып, жеңилип калды.