Айсулуу Тыныбекова УТРК Спорт каналына маек берип, 2028-жылы өтө турган Олимпиадага бара турганын айтты.
«Спорттук карьерамда бир эле медаль – Олимпиаданын алтыны гана жок. Калган байгенин баары бар. Ар бир спортчунун Олимпиададан жеңиш менен кайтуу кыялы бар. Чемпион болгондогу сезим башка. Аны эч нерсе менен салыштыра албайсың. Сен ошол жеңишти сезиш үчүн кайра-кайра күрөшкүң келет. Ден соолугубуз уруксат берсе, аттанам. Жеңиш алып келгенге аракет кылам», – деди ал.