Дүйнө чемпиону Айсулуу Тыныбекова Сербияда өтүп жаткан күрөш боюнча Дүйнөлүк Кубоктун финалына чыкты.
Жарым финалда анын атаандашы орусиялык Любовь Овчарова болду. Эсеп кыргыз балбанынын пайдасына 13:2 эсебинде болду. Буга чейин Тыныбекова чейрек финалда жана 1/8 финалда атаандаштарын ишенимдүү түрдө 10:0 бирдей эсеп менен утуп алган. Анын атаандаштары Түркия менен Румыниянын спортчулары болгон.
Финалда Айсулуу Тыныбекова латвиялык Анастасия Григорьева менен кез келет. Финал бүгүн 15-декабрда орун алат.