Кыргызстандык Талант Бегалиев күрөш боюнча ардагерлер арасындагы Дүйнө чемпиондугунун финалына чыкты. Ал беттештерин бүгүн Лутраки шаарында (Греция) баштады.
Спортчу 70 килограммга чейинки салмак категориясындагы жарым финалда литвалык балбан менен беттешип, 2:1 эсебинде жеңишке жетти. Мелдештин алтыны үчүн ал америкалык Майкл Ли Мадри менен күч сынашат.
Чемпиондук 24-октябрда жыйынтыкталат. Жалпысынан Кыргызстандан Грецияга алты спортчу жана эки калыс барган.