Грек-рим күрөшү боюнча кадеттер арасындагы (U17) курама команданын мүчөсү Сабит Шамшединов Бишкек шаарында өтүп жаткан Азия чемпионатында 60 килограммга чейинки салмак категориясында жеңүүчү болду.
Жаш спортчу 1/4 финалдан баштап саудиялык балбанды 9:0 эсебинде жеңип, жарым финалда жапониялык балбанды 11:0 жеңди. Ал эми финалдык беттеште казакстандык балбан Казыбек Калмагамбетовду 8:0 эсебинде жеңип алтын медалдын ээси болуп калды.
