Кыргызстандык спортчу Чынарбек Изабеков күрөш боюнча Грецияда өтүп жаткан Дүйнө чемпиондугунда алтын медалды жеңип алды.
Жалпысынан 100 килограмм салмакка чейинки категорияда 4 спортчу катталып, алар бир айлампада өз ара күрөшүштү. Биринчи айлампада Изабеков ирандык Фарзад Хоссейн Хелал менен беттешип, 8:4 эсебинде жеңишке жетсе, экинчисинде америкалык Эрик Отис Хинклини 8:0 эсебинде жеңип алды. Чечүүчү беттеште Изабеков польшалык Адам Чойнаски менен беттешти. Аны кыргызстандык 5:0 эсебинде утуп, Дүйнө чемпиону болду.
Буга чейин Талант Бегалиев дагы Дүйнө чемпиону болсо, Сааданбек Ниязов коло медалга ээ болгон.