Кыргызстандык Улукбек Жолдошбеков Норвегияда өтүп жаткан күрөш боюнча Дүйнө чемпиондугундагы биринчи беттешинде жеңилип калды.
Ал эркин күрөш боюнча турнирге 61 килограммга чейинки салмакта катышкан. 1/16 финалдык беттеште Жолдошбеков монголиялык Тувшинтулга Түмөнбилег менен беттешти. Кыргызстандык беттештин эсебин жетектеп турду, ал эми беттештин бүтүшүнө 18 секунд калганда эсеп анын пайдасына 7:3 болду. Бирок монголиялык спортчу 9 секундда 4 упай топтоого жетишип, жеңишти жулуп алды.
Кыргызстандык жеңилди, бирок ал монгол спортчусу финалга чыкса коло медаль үчүн сооротуучу турнирге катыша алат.