Франциянын футбол боюнча курама командасы Катарда өтүп жаткан Дүйнө чемпиондугунун экинчи финалисти болду.
Жарым финалдык беттеште француздар Марокко курама командасы менен беттешип, оор беттеште жеңишке жетишти. Оюндун 5-мүнөтүндө француз коргоочусу Тео Эрнандес оюнда эсепти ачса, андан кийин Оливье Жиру бир нече жакшы мүмкүнчүлүктөрдү пайдаланбай, бир жолу дарбазага сокку узатты, бирок топ штангага тийип калды.
79-мүнөттө француздар экинчи голду киргизип, жеңишти алып кетишти. 18-декабрда финалда Франция менен Аргентина беттешсе, 17-декабрда Хорватия менен Марокко коло байге үчүн ойнойт.