Жалал-Абадда Молдомуса Конгантиевдин элесине арналган көк бөрү боюнча республикалык чемпионат өтүп жатат. Бул тууралуу президенттин Жалал-Абад облусундагы өкүлчүлүгүнөн билдиришти.
Жалал-Абад облусунун Сузак районунун «Телтору» ат майданында көк бөрү боюнча республикалык чемпионат башталды. Спорттук иш-чара милициянын генерал-лейтенанты Молдомуса Конгантиевдин жаркын элесине жана 9-май Жеңиш күнүн утурлай уюштурулган. Азыркы учурда оюнга республика аймактарынан келген 35 курама команда катышууда.
