Грек-рим күрөшү боюнча улуттук курама команданын мүчөсү Жоламан Шаршенбеков 2022-жылдын жыйынтыгы менен «Жылдын мыкты балбаны» наамына көрсөтүлдү.
Жоламан Шаршенбеков 2022-жылы 6 медаль жеңген. Дүйнө чемпионатында, Азия чемпионатында жана Ислам оюндарында алтын медаль, эл аралык Wladyslaw Pytlasinski Cup турниринде күмүш медаль жана рейтингддик Turlykhanov Cup, эл аралык “Dan Kolov — Nikola Petrov Tournament” мелдешинде коло байгеге ээ болгон. Жыйынтыгында жалпы 55000 упай менен Бүткүл Дүйнөлүк күрөш уюмунун тизмесинде 60 килограмм салмак категориядагылар арасында 1-орунга чыкты.
Мындан сырткары грек-рим күрөшү боюнча «Жылдын мыкты балбаны» наамына азербайжандык Элданиз Азизли, түркиялык балбандар Бурхан Акбудак жана Риза Каялп, сербиялык Зураби Датунашвили талапкер болушту.