Бүгүн, 5-август күнү жайкы Париж Олимпиадасында Жоламан Шаршенбеков беттешин баштап, 1/8 финалда казакстандын балбаны Айдос Султангали менен күч сынашып, аны 6:3 эсебинде жеңип алды.
Чейрек финалдык беттеште румыниялык балбан Разван Арнаут менен беттешип, аны мөөнөтүнөн эрте жеңип, жарым финалга чыкты.
Жарым финалда Япониянын балбаны Кеничиро Фумита менен күч сынашты. 4:3 эсеп саны менен Жоламан Шаршенбеков япониялык атаандашынан жеңилип калды. Эми анын коло медаль үчүн беттешке мүмкүнчүлүгү бар.