26-апрелде Кувейтте Азия дзюдо биримдигинин кезектеги конгресси болуп өттү, анда Кыргыз Республикасынын Улуттук дзюдо федерациясынын президенти, ошондой эле Дзюдо боюнча борбордук зонасынын вице-президенти Жолдошбек Көлбаев катышты. Ал 4 жылдык мөөнөткө Азия дзюдо биримдигинин вице-президенти болуп кайра шайланды
Конгресске Кыргызстан, Казакстан, Өзбекстан, Тажикстан, Түркмөнстан, Ооганстан сыяктуу өлкөлөрдүн федерациялары кирген Борбордук зонанын 2019-жылдын апрелинен 2023-жылга чейинки мезгилдеги иши тууралуу вице-президент Жолдошбек Көлбаевдин отчету угулду.
Конгресске Азия дзюдо союзунун президенти Аль Анзи Обейд, 31 Азия федерациясынын президенттери жана өкүлдөрү, ошондой эле Эл аралык дзюдо федерациясынын президенти Мариус Визер катышты.