Кыргыз өлкөсү Түркиядагы Дүйнөлүк көчмөндөр оюндарында көкпарунун эмес, көк бөрүнүн эрежелери боюнча өтсүн деп талап кылууда. Бул тууралуу Жаштар иштери, дене тарбия жана спорт агенттигинен кабарлашты.
Мамлекеттик агенттиктин директорунун орун басары Канат Арпачиев айткандай, 10-декабрга чейин алар мелдештери өткөрүлө турган спорттун түрлөрү боюнча чечим кабыл алышы керек.
«Биз көк бөрү мелдештерин мурунку Көчмөндөр оюндарындагыдай өткөрүүнү талап кылабыз. Мындан тышкары, биздин агенттиктин Түркиянын Жаштар жана спорт министрлиги менен биргеликте көк бөрүнү кыргыз эрежелери боюнча, тагыраагы тай-казан менен өткөрүү боюнча меморандуму бар», — деди ал.