Парижде өтө турчу Олимпиада оюндарына лицензия жеңген Мээрим Жуманазарова беттештен кийинки эмоциясы менен бөлүштү.
«Кыргыз элимди, күйөрмандарды сүйүнттүм деп ойлойм. Дүйнө биринчилигинен кийин ийинимден жаракат алып калгам. 2 ай мурун кичине күрөшүп баштагам. Бул жерде психикалык жактан даяр болдум, бирок өзүмдү башкача сезип жаттым. Кудайга шүгүр, жолдомо алдым. Машыктыруучулар менен отуруп сүйлөшүп, мындан аркы машыгуулар, даярдануулар кандай болот сүйлөшөбүз», — деди ал.
