Бишкек шаарында Садыр Жапаровдун катышуусунда 13-14-декабрда өтүүчү футбол боюнча «Мурас» мелдеши башталды.
Мамлекет башчысы бардыгын турнирдин башталышы менен куттуктап, эң күчтүү командага жеңиш каалады.
Оюндар эки аянтта: Кыргыз футбол союзунун Улуттук футбол академиясында жана “Газпром-балдарга” дене тарбия-ден соолукту чыңдоо комплексинде өтүүдө.
Турнирдин катышуучулары:
— Президенттин Администрациянын кызматкерлери, Министрлер Кабинетинин мүчөлөрү, мамлекеттик органдардын жана ведомстволордун жетекчилери — “Президенттин командасы”;
— Маданият жана искусство өкүлдөрү — “Өнөр”;
— Сот бийлигинин өкүлдөрү — “Фемида”;
— ЖМК өкүлдөрү жана блогерлер — “Журналисттер”;
— Спорт федерацияларынын өкүлдөрү, спорт жылдыздары — “Спорт Чеберлери”;
— Кыргыз Республикасынын Президентинин Иш башкармалыгынын кызматкерлери — «Иш башкармасы»;
— Президенттин облустардагы ыйгарым укуктуу өкүлдөрү, шаарлардын мэрлери, райондордун акимдери — “Аймактар”;
— Дин өкүлдөрү — “Ыйман;
— Саламаттык сактоо системасынын кызматкерлери жана медициналык мекемелердин жетекчилери — “Ден соолук”;
— Билим берүү системасынын кызматкерлери жана окуу жайлардын жетекчилери — “Билим”;
— Юстиция органдарынын кызматкерлери — «Юстиция»;
— Улуттук коопсуздук органдарынын кызматкерлери – “Коопсуздук”;
— ИИМдин укук коргоо органдарынын өкүлдөрү – “Динамо”;
— Прокуратура органдарынын кызматкерлери – “Көзөмөл”;
— Дипломатиялык корпустун өкүлдөрү “Элчилер”;
— Кыргызстан элинин Ассамблеясы жана диаспоралардын жетекчилери — “Достук”.
Эртең, 14-декабрда, чейрек финалдык, жарым финалдык жана финалдык беттештер болот.
