Сауд Арабиянын «Аль-Хилал» футбол клубу Неймар менен келишимди эки тараптуу токтотту. Бразилиялык оюнчу 2023-жылдын жайында «Аль-Хилалга» өткөн эле. Алган жаракатынан улам ал клубда жети оюнда гана ойноп, бир гол киргизген. Жалпысынан чабуулчу талаада 428 мүнөт өткөргөн.
Бейрасмий маалыматтарга караганда, «Аль-Хилалдагы» Неймардын айлыгы ар кандай бонустарды эске алганда жылына 200 миллион долларга жетиши мүмкүн.
Оюнчу эми карьерасын бразилиялык «Сантосто» улантаарын журналист Фабрицио Романо жазып чыкты. Дүйнөдөгү эң белгилүү футболчулардын бири деп эсептелген Неймар Бразилия курамасында эң көп гол киргизген рекордго ээ. Жалпы 79 оюнда 128 гол киргизген. Ал 2017-жылы «Барселонадан» Франциянын «Пари Сен-Жерменине» 222 миллион еврого трансфер болгон.