Кыргыз Республикасынын сууда сүзүү боюнча улуттук курама командасынын мүчөлөрү Денис Петрашов жана Елизавета Печерских Доха шаарында (Катар) өтө турган Дүйнө чемпиондугуна катышат. Мелдеш 2-18-февраль күндөрү өтөт. Бул тууралуу Маданият министрлигинен билдиришти.
Курама команда башкы машыктыруучу Евгений Петрашовдун жетекчилиги алдында мелдешке катышат. Мелдештин жүрүшүндө жалпы 76 комплект медаль ойнотулат.